PENSIERI PARMIGIANI

Giuseppe Mezzadri

GIUGNO 2007

PROVERBI PER UN ANNO

ZNÄR             - La ‘Pifania tutti il festi la ja porta via 

FARVÄR        - San Bjäz al gh’à la neva sòtta ‘l näz

MÄRS             - Märs sól e squàs

AVRÌL            - Avril tutt i dì un baril

MAG               - Mag sutt, gràn dapartutt

ZUGGN          -Par san Bärnaba al dì pu longh äd l’istè

                        -San Zvan al mètta al vén int l’uvva.

LUJI                - Par sant’Ana l’aqua l’é ‘na mana

                        -Par san Ròch  l’a väl gnàn un gnòch

AGÓST           - Sapa la vida d’agòst s’a t’ vól un bón mòst

SETÉMBOR   - Par san Michél al cäld al va in cél

OTÒBBOR     - In otòbbor aqua e trón, tutt l’invèron al sarà bón

NOVÉMBOR - L’istè ‘d san Marté la dura du dì e ‘n ponén

DZÉMBOR     - Nadäl al sól, Pasqua ai stìss

LA “BUZECA” DI “GINO PICELLI”

Ónt äd gòmmod e po’ äd la gran pasensia j en il primmi cozi ch’a gh’vól par fär ‘na bon’na buzeca a diz Gino Picéli che in fat äd buzeca al la sa lónga cmé poch.

La trippa, ch’l’à da esor älta e narvóza, la s’ taja in quädor grand e po con un cuciär la s’rascia ben ben fin ch’l’é sgrasäda. La s’läva in aqua corenta sinch o sez o sètt volti e po’ la s’taja a fètti cmé ‘l salam. La s’mètta a bòjjor  par quattr’ori int ‘na bronza indò gh’é tutti il varduri tridädi; aj, sigòlli, carotli e sènnor, fin’na quäzi a cotura. Intant da ‘na pärta a s’prepära un fónd äd casaróla con la pistäda äd gras e sälsa. La s’fa andär par mez’ora e, quand l’é pronta, a s’ghé mètta la trippa col varduri e la s’fa bòjjor  pian pianén do o tre ori. Al gioron dop la s’fa bojjor ‘n’ältra mez’ora e po’ la lasa arposär  n’ätor brizen. Dop, finalment, la s’pól magnär, briza grasa e bela gomoza.

(Da “Apen’na da biasär” di G.Mezzadri)